ਰੋਪੜ ਦੇ DAV ਸਕੂਲ ਦੇ ਵਿਦਿਆਰਥੀਆਂ ਅਤੇ ਉਹਨਾਂ ਦੇ ਮਾਪਿਆਂ ਵੱਲੋਂ ਸਕੂਲ ਦੇ ਹਿੰਦੀ ਦੇ ਅਧਿਆਪਕ ਸੁਨੀਲ ਕੁਮਾਰ 'ਤੇ ਸਕੂਲ ਦੀਆਂ ਵਿਦਿਆਰਥਣਾਂ ਨੂੰ ਅਸ਼ਲੀਲ ਸੰਦੇਸ਼ ਭੇਜਣ ਦੇ ਇਲਜ਼ਾਮ ਲਗਾਏ ਗਏ ਹਨ I ਪੀੜਤ ਬੱਚਿਆਂ ਨੇ ਅਧਿਆਪਕ ਖਿਲਾਫ ਅਸ਼ਲੀਲ ਮੈਸੇਜ ਭੇਜਣ ਤੋਂ ਇਲਾਵਾ ਬੇ-ਵਜਾ ਛੂਹਣ ਦੇ ਵੀ ਇਲਜ਼ਾਮ ਲਗਾਏ I ਇਸ 'ਤੇ ਬੱਚਿਆਂ ਦੇ ਮਾਪਿਆਂ ਨੇ ਸਕੂਲ 'ਚ ਆ ਕੇ ਇਸ ਅਧਿਆਪਕ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ I ਹਾਲਾਂਕਿ ਸਕੂਲ ਦੀ ਪ੍ਰਿੰਸੀਪਲ ਸੰਗੀਤਾ ਰਾਣੀ ਨੇ ਦਾਅਵਾ ਕੀਤਾ ਸੀ ਕਿ ਸਕੂਲ ਦੀ ਮੈਨਜਮੈਂਟ ਦੋਸ਼ੀ ਅਧਿਆਪਕ ਖਿਲਾਫ ਅਨੁਸ਼ਾਸ਼ਨੀ ਕਾਰਵਾਈ ਕਰੇਗੀ, ਪਰ ਫੇਰ ਵੀ ਅਧਿਆਪਕ ਖਿਲਾਫ ਪੁਲਿਸ ਕੋਲ ਸ਼ਕਾਇਤ ਦਰਜ ਨਹੀਂ ਕਰਵਾਈ ਗਈ I ਜਿਸ ਦੇ ਚਲਦਿਆਂ ਮਾਪਿਆਂ ਵੱਲੋਂ ਜ਼ੋਰ ਪਾਉਣ ਤੋਂ ਬਾਅਦ ਅਧਿਆਪਕ ਖਿਲਾਫ ਪੁਲਿਸ ਨੇ ਆਈ.ਪੀ.ਸੀ.ਦੀ ਧਾਰਾ 354 ਆਈ.ਟੀ.ਐਕਟ ਅਤੇ ਬੱਚਿਆਂ ਦੇ ਜਿਨਸੀ ਅਪਰਾਧਾਂ ਵਿਰੁੱਧ ਸੁਰੱਖਿਆ ਕਾਨੂੰਨ ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ I
